New Internet Rules: Australia Becomes First Country to Ban Social Media for Under 16s

Australia Ka Pehla Qadam: Under-16 Bachon Ke Liye Social Media Band

Australia 10 December se officially woh pehla mulk ban gaya hai jahan 16 saal se kam umar ke bachon ko social media istemal karna manaa hoga. Is ban ke baad Instagram, TikTok, Facebook, YouTube, Snapchat, Reddit, Threads, Twitch aur Kick jaise platforms ko underage accounts deactivate karne honge, warna A$49.5 million (US$32m) tak jurmana ho sakta hai.

Ban Ka Maqsad: Bachon Ko Haanikarak Content Se Bachana

Australian hukumat ke mutabiq, ye ban bachon ko un harmful cheezon se door rakhne ke liye lagaya gaya hai jo social media algorithms kafi asaani se dikhate hain.
Ek government study ke mutabiq:

• 96% bachay (10–15 saal) social media istemal karte hain
  
• 70% harmful content se expose hotay hain
  
• 1 in 7 grooming jaisi activities ka shikar hotay hain
  
• Adhay se zyada cyberbullying victim hotay hain
  

Hukumat kehti hai ke social media ke “design features” bachon ko zyada time online rakh kar mental health ko direct nuksan pohanchate hain.

Kaun Kaun Se Platforms Cover Hain?

Shuruat mein total 10 major platforms ban list mein shamil hain:

• Facebook
  
• Instagram
  
• Threads
  
• TikTok
  
• YouTube
  
• Snapchat
  
• X (Twitter)
  
• Reddit
  
• Twitch
  
• Kick
  

YouTube Kids, WhatsApp aur Google Classroom is ban ke daayray mein nahi aatay.

Paabandiyan Mushkil, Privacy Khatray Mein?

Kai tech companies, especially YouTube, Snap aur X ne is ban ko criticize kiya.
Unka kehna hai ke:

• Ye rules implement karna mushkil hoga
  
• Bachay fake accounts banakar phir bhi istemal karenge
  
• Data collection se privacy compromise hogi
  
• Bachay dark-web ya unsafe corners ki taraf shift ho sakte hain
  

Google aur YouTube is baat par bhi ghor kar rahe hain ke kya Government ke faisle ko legally challenge kiya jaye.

Age Verification Kaise Hogi?

Platforms ko multiple age-check systems istemal karne honge:

• Selfie-based age estimation
  
• Face / voice recognition
  
• Government ID upload
  
• Bank account verification
  
• Age inference (user behavior se age guess karna)
  

Parents ka vouch karna ya bachay ka khud batana acceptable nahi hoga. Tech experts ka kehna hai ke ye ek “imperfect but bold experiment” hoga. Government ke apne report ke mutabiq:

• Facial age estimation teens par sabse kam accurate hoti hai
  
• Galat verification se adults bhi block ho sakte hain
  
• Underage bachay phir bhi escape kar sakte hain

Ban Se Maslay Kam Nhe Balkay Aur Barh Sakhtay Hain

Mukhtalif experts aur parents ki do raye hain:

Supporters:

• Bachay harmful content se door rahenge
  
• Social media addiction kam hoga
  

Mental health aur safety improve hogi

Critics:

• Gaming platforms jaise Roblox, Discord bhi cover karne chahiye
  
• Ban se bachay VPNs aur fake accounts ki taraf jayenge
  
• Data storage ka bohat bara risk hoga
  
• Education, awareness, aur digital literacy zyada effective solution tha

Global Reaction

Is ban ko ab duniya bhar ke mulk closely monitor kar rahe hain.

• Denmark, Malaysia, France, Norway aur Spain bhi similar bans consider kar rahe hain.
  
• UK ne already strict safety laws introduce kar diye hain.
  
• USA (Utah) ka ban court ne rok diya tha, lekin debate wahan bhi chal rahi hai.
  

Experts kehtay hai:

“Australia ka ban digital world ka sabse bada social experiment hai, agar yeh kaam karta hai to duniya bhar mein similar laws aayenge.”

President Prabowo Subianto Arrives in.