Karachi ke Shah Faisal Colony ki 12 saal ki student, Fatima Naseem, ne apni aathvi Guinness World Record achieve kar ke Pakistan ke liye ek naya mukaam hasil kar liya. Is achievement ke saath Fatima Pakistan ki wo female athlete ban gayi hain jinhone sabse zyada Guinness Records banaye hain. Fatima ke walid, Rashid Naseem, khud bhi 125 Guinness World Records ke holder hain, aur Fatima ne unke record-making legacy ko aage barhaya.
Fatima ka latest challenge tha ke har haath mein ek anda pakad ke kam se kam 70 balloons phodein. Ye task usne sirf 30 seconds mein 76 balloons phod kar complete kiya, aur saare anday intact rahe. Ye kamyabi sirf Pakistan ka naam roshan nahi karti balki uski skill, focus, aur coordination ko bhi highlight karti hai.
Fatima ne sirf ye hi nahi balki pehle bhi kai records banaye hain. Unhone:
- India ko char dafa haraya.
- Liberty Barros ka record todha, jo duniya ki sabse flexible ladki ke naam tha, aur 1 minute mein 47 stretches complete kiye.
- Full-extension punching ke saath anday pakad kar record banaya.
- Dono haathon se elbows strike kar ke record achieve kiya.
Fatima ki ye aathvi Guinness World Record World Records Day ke mauqe par achieve hui, jo globally selected candidates ko apni extraordinary skills dikhane ka moka deta hai.
Fatima ki ye kamyabiyan bina kisi government support ke achieve hui hain, aur is se Pakistan ko international stage par recognition mili hai. Apni achievements ke hawale se Fatima ne kaha ke wo umeed karti hain ke government bhi unke efforts ko kabhi officially acknowledge karegi. Unka kehna hai ke agar government taraf se recognition mili to ye unke liye courage, passion, aur determination ko aur barhane ka sabab banegi, aur wo aur hard work karke Pakistan ka naam aur ucha kar sakein.
Fatima Naseem ne Pakistan ke young female athletes ke liye ek misaal qaim ki hai. Unki talent, discipline, aur perseverance unko sirf ek rising sports icon nahi banati balki pure mulk ke liye ek inspiration ka source bhi hai.