Israel Gaza Airstrikes: Ceasefire Violation Mein Kam Az Kam 45 Afraad Halak

Gaza Strip ek baar phir Israeli shadeed airstrikes ka nishana bana, jahan itwaar ke din hue hamlon me kam az kam 45 afraad halak aur kayee afraad zakhmi hue. Ye airstrikes us waqt ki gayi jab ceasefire ko sirf 9 din hue the. Ye hamlay Gaza ke mukhtalif ilaqon Rafah, Jabalia, Nuseirat aur Deir al-Balah me kiye gaye. Gaza ke char hospitals, Al-Awda, Al-Aqsa, Nasser aur Al-Shifa ne bhi is death toll ki tasdeeq ki.

Israel Gaza Conflict 2025: Airstrikes Me 45 Afraad Halak, Ceasefire Dobara Mutaasir

Gaza Strip ek baar phir Israeli airstrikes ka nishana bana, jahan itwaar ke din hue hamlon me kam az kam 45 afraad halak aur kayee afraad zakhmi hue. Ye airstrikes us waqt ki gayi jab ceasefire ko sirf 9 din hue the, jo America ke sadar Donald Trump or kae Muslim Mumalik ki mehnaton se qaim hua tha.

Israeli Military Ka Bayan aur Hamas Ka Jawab

Israeli military ne kaha ke unhone “Hamas ke darjanon targets” par hamlay kiye, jinhain unhone ek alleged rocket aur sniper attack ka jawab qarar diya. Yeh attack unke mutabiq Rafah ke southern hisse me hua tha.
Hamas ke musallah wing, Izz al-Din al-Qassam Brigades, ne in ilzamat ko jhutla diya. Unka kehna tha ke March ke baad se unka un ilaqon me kisi bhi fighter se koi rabta nahi. Group ne kaha ke “humara un ilakon me kisi bhi waqaye se koi lena dena nahi aur hum ab bhi ceasefire par amal kar rahe hain.

Ceasefire ke Baad bhi Netanyahu ka Jang Jari Rakhne ka Mauqif

Israeli Wazir-e-Azam Benjamin Netanyahu ne fauj ko ‘terrorist targets’ ke khilaaf sakhth action ka hukm diya, jabki unhone kaha ke Gaza me buffer zone ya ‘yellow line’ se aage bhi operations shamil rahenge. Israel ne Hamas par ceasefire khilaaf warzi ka ilzam lagaya hai, aur Hamas ne in ilzaam ko kharij karte hue kaha hai ke woh tawazun-par mabni aman qaim rakhne ke liye committed hai.

Gaza Ceasefire Dobara Khatre Mein – Humanitarian Crisis Ka Khatra

Gaza mein naye Israeli airstrikes ne halat ko phir se tashweeshnaak bana diya hai. Sirf 9 din pehle qaim hua ceasefire ab mukhtalif hamlon ke baad khilaf warzi ka shikar ho chuka hai, jisse insani buhran aur jaani nuksan mein izafa hua hai. Gaza ke civil defence teams aur medical staff musalsal rescue aur relief ke kaam mein masroof hain.