Japan ki siyasat mein aik naya daur shuru ho gaya hai. 64 saal ki Sanae Takaichi, jo ab Japan ki pehli khatoon Wazir-e-Azam ban chuki hain, ne mulk ki tareekh mein aik naya bab likh diya. Unhein “Japan ki Iron Lady” ke naam se jana jata hai, aur woh UK ki sabiq PM Margaret Thatcher se gehri mutasir rahi hain.
Teen dafa koshish ke baad unka ye sapna poora hua, aur ab woh aik aise mulk ki qiyadat sambhal rahi hain jahan siyasat mein ab tak mardon ka bol bala tha. Sanae Takaichi ka mission hai ke Japan ke low birth rate, siyasi scandals aur far-right ke dabao se nikal kar mulk ko stability aur taraqqi ki raah par layen.
Sanae Takaichi pehle government minister, TV anchor, aur aik heavy metal band ki drummer bhi reh chuki hain. Unki jeet na sirf Japan ki siyasat mein nayi roshni layi hai, balki duniya bhar ke liye ye paigham hai ke aurat ki qiyadat sirf mumkin nahi, balke mazboot aur moassar bhi hai.