Jordan ke monarch King Abdullah II aaj (Saturday) Pakistan pohanch rahe hain jahan woh do roza riyasati daura karein gy. eh daura Prime Minister Shehbaz Sharif ki dawat par ho raha hai, jiska maqsad Islamabad aur Amman ke darmiyan gehri rawayaton ko aur mazboot karna hai.
Foreign Office ke mutabiq, yeh visit Pakistan aur Jordan ke darmiyan purane bhai-chare par mabni taluqaat ko aik naye strategic direction mein le kar jaane ka mauqa dega. Dono mumalik siyasi, maashi aur saqafati cooperation ko mazeed expand karna chahte hain.
High-Level Meetings
Badshah Abdullah II apne dauray ke duran:
se high-level muzakraat karein gy. In meetings mein dono mumalik ke darmiyan poora range of bilateral relations cover kiya jayega, jisme political coordination, economic partnership aur defence cooperation shamil hongy.
Highest Civilian Award
Aiwan-e-Sadr mein aik khas investiture ceremony bhi mun’aqid hogi jahan Pakistan, King Abdullah II ko apna sab se bara civil award pesh karega unki Pakistan–Jordan dosti mein aham koshishon ke aitraf mein.
Historical Context
Jordan Pakistan ko recognize karne wale pehle paanch mumalik mein shamil tha, aur 1948 mein dono ke darmiyan formal diplomatic ties establish hue.
King Abdullah II ka yeh daura unke pichhle official trip ke baad ho raha hai, jab dono taraf se civil protection, defence cooperation aur housing sectors se mutaliq agreement sign kiye gaye thy.
Recent Defence Engagement
Kuch haftay pehle Amman mein COAS Field Marshal Asim Munir aur King Abdullah II ki mulaqat hui jisme Jordan ke badshah ne Pakistan Armed Forces ki professionalism aur regional peace mein unke kirdar ko saraha. Unhon ne defence ties ko aur barhane ki khwahish ka izhar bhi kiya.
Community & Trade Linkages
- Jordan mein taqreeban 16,000 Pakistani mojud hain.
- 2023 mein Pak–Jordan trade volume $46.58 million raha.
Visit Ka Maqsad
Is dauray ka central focus dono mumalik ke darmiyan mandarja zel mamalat ko mazbut krna hain:
- strategic cooperation
- economic coordination
- defence partnership
- cultural exchanges
Foreign Office ka kehna hai ke yeh visit Pakistan–Jordan partnership ko aur gehra, aur wasee, aur future-oriented banayega.