Pakistan ne 28 aur 29 October ko subah 6 bajay se 9 bajay tak fizaee hudood band karne ka faisla kar liya hai. Pakistan Airports Authority ke mutabiq ye 3 ghantay ki bandish dono din tamam domestic aur international flights ko mutasir karegi. Airlines ko apne flight schedules adjust karne ki hidayat di gayi hai, jabke musafiron ko mashwara diya gaya hai ke wo apni respective airlines se updated timing aur rescheduling check karte rahein.
Mazeed tafseelat ke liye: Pakistan Airspace Band Updates, Flight Advisory, Aviation News Pakistan, Flight Schedule Changes, Travel Alerts Pakistan.
Airspace Band Hone Ka Waqt Aur Wajah
Airspace band hony ka waqt dono din ek jaisa hoga subah 6 bajay se 9 bajay tak.
Is dauran flight operations temporarily muattal rahenge. Aviation officials ke mutabiq ye qadam operational aur safety purposes ke liye uthaya gaya hai, lekin iski koi specific wajah bayan nahi ki gayi. Bandish ke baad har din normal flight operations foran bahal kar diye jayenge.
Regional Surat-e-Haal
Zarai ke hawalay se maloom hua hai ke ye faisla us waqt samne aaya jab India ne apni bari military exercise “Trishul 2025” ka schedule announce kiya, jo 30 October se 10 November tak western frontier ke qareeb mun’aqid hogi. Ye drill army, navy aur air force ke joint operation ka hissa hai. Indian authorities ne bhi Gujarat aur Rajasthan ke kuch hisson mein airspace restrictions lagayi hain.