Pakistan ab officially SEA-ME-WE 6 ke ultra-fast submarine cable system ka hissa ban gaya hai, jo mulk ki internet capacity ko naye scale par le kar jaayega. Yeh wohi high-capacity global network hai jo Asia se Europe tak super-fast data transfer ko support karta hai aur ab Pakistan bhi is international route ka integral node ban chuka hai.
Yeh Pakistan ka teesra submarine cable hai jo sirf ek saal ke andar activate hua, jis ki wajah se mulk ki connectivity, bandwidth capacity aur digital reliability mein bari tej raftari se behtari aa rahi hai. Federal IT & Telecom Minister Shaza Fatima Khawaja ne is development ko “Pakistan ki global digital integration mein ek landmark step” qarar diya.
Bandwidth Mein 40% Tak Numaya Izafa
SEA-ME-WE 6 ka Pakistan landing partner Transworld Associates (TWA) hai, jo shuruati phase mein mulk ko 4 terabits per second (Tbps) ki nayi capacity provide kar raha hai. Is se Pakistan ki total bandwidth capacity 13.2 Tbps se barh kar lagbhag 40% tak expand ho jaati hai.
Yeh subsea cable system 21,700 kilometre lambai par phaila hua hai aur Pakistan ko:
- Singapore
- Malaysia
- Thailand
- Bangladesh
- India
- Middle East hubs
- France
ke high-speed digital routes se connect karta hai.Yani Pakistan ab unhi advanced fibre corridors ka hissa hai jahan se duniya ka bohat bara hissa internet traffic travel karta hai. SEA-ME-WE 6 ki design capacity 132 Tbps hai, jo isay duniya ke sab se powerful global networks mein shamil karti hai.
Cloud, AI Aur Enterprise Services Ke Liye Big Shift
Is cable se Pakistan ki internet reliability sirf users ke liye nahin, balkay national-level businesses, banks, fintech, telecom operators, aur multinational cloud providers ke liye bhi massive upgrade ban kar saamne aati hai.
Is connectivity ke zariye Pakistan:
- high-volume cloud storage
- AI-based workloads
- e-commerce platforms
- content delivery networks (CDNs)
- cross-border data exchange
ko zyada speed, zyada stability aur zyada security ke saath operate kar sakta hai. Yani national digital ecosystem ko seedha fayda hota hai.
Karachi Mein Pakistan Ka Pehla High-Density AI Data Centre
Is subsea expansion ke parallel, Transworld Associates Karachi mein Tier-III certified state-of-the-art data centre bhi develop kar raha hai, jo January 2026 mein operational hoga.
Yeh Pakistan ka pehla data centre hoga jo high-density AI racks ko handle karega, yani ye following operations sab is facility mein run kiye ja sakenge:
- AI model training
- machine learning workloads
- enterprise cloud hosting
- server clusters
- hyperscale operations
Yeh data centre directly connect hoga in jese following major international systems se, jo isay Pakistan ka sab se strategic digital hub bana deta hai.
- SMW-6
- SMW-5
- TW1
- 2Africa
Tier-III certification ki waja se mission-critical data hamesha connected aur protected rehta hai aur iska matlab hai:
- 99.982% uptime
- redundancy
- fault tolerance
- failover systems
Pakistan Ki Digital Economy Ka Naya Daur
In tamam developments ka aggregated impact bohat bara hai. SEA-ME-WE 6 aur Karachi data centre mil kar Pakistan ko following benefits provide krte hai:
- stronger global connectivity
- high-speed international routes
- scalable cloud services
- AI-based infrastructure
- resilient digital networks
.
Is se not just domestic users, balkay international tech companies, cloud providers aur regional data players bhi Pakistan ko ek reliable digital corridor ki tarah dekhne lagy gain.